من طرف بنت تتزوج والسبب كيس زبـالة
زواج بنت وبقول لكم عن قصة زواجها الغريب المضحكه هاذي البنت سلمكم الله عندها خوات أكبر
منها وأصغر منها ،وهي توها متخرجه من الثانويه العامه المهم بالبيت ماعندهم خدامه كل يوم الدور
على وحدة من البنات تطبخ وبعدين ترمي
الزبـالة عند الباب المهم يى دورها البنت اللي أتكلم عنها كانت سهرانه مع اخواتها الين الساعة
2الصبح وبعدها
خواتها طلعوا يناموا فوق.. وهي قعدت تنظف المطبخ وتشطب عليه.. وقامت وطلعت الزبـالة
عند الباب..المهم
البنت قالت ليش أحطها عند الباب خليني أتشجع وأرميها بالزبــالة أحسن
وطلعت برع بالشارع وكان الشارع
فاضي مرة وكانت الساعة حوالي 30. 3
المهـــــــــــــم
يوم يت تطلع ترمي الزبـالة قفل باب بيتهم هههههههه وقعدت المسكينه بالشارع...فكرت ترن
الجرس خافت
أبوها يهاوشها ويسوي فيها شي ( لأن أبوها شديد) ... وهي بالشارع
سمعت أن فيه صوت يقرب منها .. صوت سيارة !! قامت مسكت الزبـالة وقلبتها ودخلت داخلها
المهــــــــــم كان
اللي ياي ولد الجيران .. كان توه ياي من استراحة..المهــم يا ولد الجيران وقف السيارة وطلع المفتاح
علشان بيدخل للبيت إلا يسمع صوت يتحرك بالزبـالة !!
وأستغرب إن الزبـالة مقلوبة قام وقرب من عندها... ويا بيرفع الزبـالة ويا زينها
إلا صرخت وقالت : لالالالا.قال : بسم الله الرحمن الرحيم..أنتي إنس ولا جن
قالت: إنس قال إنتي وش يابج هنيه ؟؟؟؟؟؟ وقالت له القصة وهي متغطيه بالزبـالة وترجت
ولد الجيران يساعدها قال خلاص لاتخافين قام قرب سيارته من
باب البيت وركب فوق السيارة ونقز وفتح للبنت الباب.. وقالها:ادخلي بسرعة لاحد
يشوفج قامت مسكينة
ماصدقت رمت الزبـالة.. وطلعت جذيه جدام ولد جيرانهم المهــــــم
دخلت وقفلت الباب على طووول...وولد الجيران واقف ماتحرك
يناظر فيها
...
المهم. مامر على هالسالفة يومين إلا يا وخطبها
من أبوها ووتزوجها...والآن في سعادة وصارت بينهم
ذكريات لاتنسى والله قصة زواج غريبة
